O presidente da Deputación fixo a “ruta do cancro” con veciños da provincia

Para denunciar que Lugo segue a carecer de Radioterapia

O presidente da Deputación de Lugo, José Ramón Gómez Besteiro, e outras autoridades, á chegada ao Hospital Universitario Lucus Augusti (HULA) xunto ao veciño da Fonsagrada que se ve na obriga de viaxar á Coruña para recibir Radioterapia. GPDL
O presidente da Deputación de Lugo, José Ramón Gómez Besteiro, e outras autoridades, á chegada ao Hospital Universitario Lucus Augusti (HULA) xunto ao veciño da Fonsagrada que se ve na obriga de viaxar á Coruña para recibir Radioterapia. GPDL

• O 21 de novembro, o presidente da Deputación lucense, José Ramón Gómez Besteiro, acompañou a veciños da nosa provincia durante o traxecto que deben realizar para recibir o tratamento de Radioterapia contra o cancro que padecen. Gómez Besteiro percorreu xunto a estes pacientes a coñecida como “ruta do cancro”, un percorrido de 400 quilómetros e oito horas de duración, co obxectivo de denunciar a situación na que se encontran os enfermos de cancro lucenses, que deben desprazarse ata A Coruña para ser tratados da súa enfermidade, “posto que a Xunta segue sen dotar a Lugo deste servizo”, denunciou Besteiro. O mandatario provincial estivo acompañado nesta xornada por membros da Federación de Asociacións Veciñais de Lugo; o alcalde de A Fonsagrada, Argelio Fernández, e de Lugo, José López Orozco; e doutros deputados provinciais.

400 QUILÓMETROS E OITO HORAS NA “RUTA DO CANCRO”
A denominada “ruta do cancro” ocupou a totalidade da xornada do día 21. En torno ás 10,30 horas, Gómez Besteiro, xunto con Pilar García Porto, Regina Polín e Alfredo Llano, saíu do Pazo de San Marcos cara Vilagudel, núcleo de A Fonsagrada, onde, ás 12,30 horas, un vehículo medicalizado recolleu a un veciño deste municipio da Montaña luguesa que recibe Radioterapia en A Coruña. Xuntos partiron cara o Hospital Lucus Augusti (HULA), onde se atoparon con outro veciño na mesma situación, pero neste caso da cidade de Lugo.
Xa ás 15,30 horas, saíron dende o HULA cara o Hospital Oncolóxico de Galicia en A Coruña, onde os dous veciños lucenses reciben Radioterapia, posto que Lugo é a única provincia galega que non conta con este servizo sanitario.
Tras máis de dúas horas de tratamento, ás 18,30 horas chegou o momento de voltar a Lugo, primeiro ao HULA e logo a Vilagudel, na Fonsagrada, a onde chegaron ás 22,00 da noite.•

Deixa unha resposta

Your email address will not be published.

Nova Anterior

Inician a contratación das obras das pallozas do Piornedo

Seguinte Nova

O Campionato Galego de Billar a tres bandas celebrado en Chantada rematou con victoria local

Últimas noticias sobre INICIATIVAS

     
A %d blogueros les gusta esto: