A UNED divulgará a actividade das asociacións lucenses no espazo «Cultura Dixital»

• A Área de Cultura da Deputación e o centro asociado da UNED de Lugo van poñer en marcha o proxecto «Cultura Dixital», para dar visibilidade ás programacións e actividades organizadas por todas as asociacións e colectivos culturais da provincia de Lug. Según explicou o delegado de Cultura do organismo provincial, Mario Outeiro, a Deputación vai aportar 25.000 euros para este proxecto.
Entre os obxectivos de «Cultura Dixital» está conseguir un maior desenvolvemento cultural a través da apertura dunha porta de comunicación entre a UNED e as asociacións culturais no campo da edición e a comunicación dixital audiovisual, o que pode derivar nun incremento da eficacia e nun maior grado de eficiencia das súas programacións, según suliñou o responsable provincial. Mario Outeiro precisou que ao abrir unha porta de comunicación entre os sectores cultural e universitario non só incrementaría o número de actividades a compartir, senón que ampliará o potencial de usuarios.
O proxecto «Cultura Dixital» desenvolverase a través dun curso de divulgación sobre temática científica, xornadas sobre temas de actualidade ou xornadas literarias. Ademais, o centro asociado da UNED axeitará parcialmente a súa programación de Desenvolvemento Cultural á demanda das asocacións culturais, con foros de debate, conferencias, docu-fórums ou cine fórums. Para dar a coñecer este proxecto, porase en marcha unha web e unha revista dixital, e a UNED empregará os seus medios propios, como a Cadea Campus.•