Aposta pola creación e recuperación de soutos de castiñeiros no noso rural

A Xunta destinou para plantacións preto de 580.000 euros

Visita da conselleira de Medio Rural, Rosa Quintana, á plantación de castiñeiros de Nogueira, en Anllo-Sober, acompañada pola delegada territorial da Xunta en Lugo, Raquel Arias, e os responsables da comunidade de montes de Nogueira. CMRM.
Visita da conselleira de Medio Rural, Rosa Quintana, á plantación de castiñeiros de Nogueira, en Anllo-Sober, acompañada pola delegada territorial da Xunta en Lugo, Raquel Arias, e os responsables da comunidade de montes de Nogueira. CMRM.

• O pasado 10 de decembro, a conselleira de Medio Rural, Rosa Quintana, achegouse ata Sober para visitar a plantación de castiñeiros que está a realizar a comunidade de montes de Santo Estevo de Anllo no monte de Nogueira. Este proxecto está integrado no plan de axudas que o departamento autonómico destina ao fomento de primeira forestación de terras non agrícolas, e que este ano conta cun investimento total de 6,6 millóns de euros.

MÁIS DE 1.000 NOVOS CASTIÑEIROS NESTE MONTE COMUNAL DE SOBER
A nova explotación de castiñeiros do monte de Nogueira conta cunha extensión de máis de 12 hectáreas, nas que se están a plantar 1.247 plantas de castiñeiro híbrido inxertado. Ademais, o proxecto de posta en marcha desta explotación comunal inclúe traballos de roza, o arreglo da pista forestal, o inxertado dos exemplares e a fertilización, entre outras accións. Según explicaron os responsables da iniciativa, o proxecto contou cunha subvención de máis de 16.000 euros, aportados pola Consellería de Medio Rural e Mar.

PRODUCIR E COMERCIALIZAR A CASTAÑA
Durante a súa visita á explotación de Nogueira, en Anllo, a conselleira valorou este proxecto «como un exemplo de posta en valor do noso monte», neste caso orientado á produción e comercialización da castaña.

IMPULSO Á ECONOMÍA RURAL E Á FIXACIÓN DE POBOACIÓN
Asimesmo, Rosa Quintana destacou que este tipo de plantacións contribúen á diversificación forestal e ao aproveitamento dos recursos do monte, xa que aumentan a superficie forestal arbolada e diminúen o risco de incendios. A titular de Medio Rural suliñou a importancia destas iniciativas para impulsar a economía e fixar poboación no noso rural.
Tras visitar o souto de castiñeiros, Rosa Quintana achegouse ata a finca experimental Os Chancís, tamén no concello de Sober. Esta finca é un proxecto con fins experimentais, educativos e de mantemento da biodiversidade e da paisaxe, centrado no coñecemento da adaptación de variedades autóctonas á subzona de Amandi dentro da Denominación de Orixe Ribeira Sacra e no estudo das características agronómicas e enolóxicas de variedades autóctonas en relación coa altitude, a exposición da parcela , e co efecto de diferentes portaenxertos.•

Deixa unha resposta

Your email address will not be published.

Nova Anterior

A Asociación Veciñal de O Saviñao fixo público o «clamor popular e descontento da veciñanza» pola suba do IBI en O Saviñao

Seguinte Nova

Os Orzamentos de Sober priorizarán o gasto social e os investimentos

Últimas noticias sobre ASOCIACIONISMO

     
A %d blogueros les gusta esto: