•O torneo desenvolverase en 6 probas ata marzo en Pantón •Na proba de decembro participaron 33 parellas

• Na fin de semana da ponte da Constitución, as instalacións do Balneario Oca Augas Santas Golf Resor acolleron a proba de arranque da VII Liga de Parellas Costas Galicia, que contou coa participación dun total de 33 parellas.

PARELLAS GAÑADORAS DA PRIMEIRA PROBA
A proba disputouse baixo a modalidade fourball. Os campións da pasada edición, o tandem formado polos vigueses Fernando Moldes e Román Lorenzo, impuxéronse con claridade sobre o resto dos participantes, cunha tarxeta con 44 puntos stableford. A segunda praza correspondeulle aos ourensáns José Luis Rodríguez e Juan Carlos Monteagudo, que remataron con 41 puntos. En terceiro lugar quedou a parella formada polos xogadores de O Barco Isabel Fernández e Gabriel Fernández, que completaron a proba con 40 puntos.
A Liga de Parellas Costas Galicia inclúe cinco probas máis, que se disputarán no campo de golf de Pantón ata marzo de 2015. Cada proba premia ás primeiras parellas clasificadas, e ademais todos os participantes van sumando puntos para a clasificación final da Liga. As tres parellas que acaden o podium final serán agasalladas pola axencia Costas Galicia con viaxes vacacionais a destinos nacionais e internacionais.•