•As propostas seleccionadas céntranse no eido forestal e enolóxico, e nas novas tecnoloxías •En marzo de 2015 o xurado dará a coñecer aos tres proxectos gañadores

• A asociación Semente de Monforte deu a coñecer a comezos de decembro os dez finalistas do I Concurso de Proxectos Empresariais.

IDEAS NO SECTOR VITIVINÍCOLA
Un dos proxectos finalistas, «ControlCrop», ten como obxectivo a transmisión de información a bodegas privadas e cooperativas para o control de viñedos a través dunha rede de caixas de sensores. Con este sistema o viticultor coñecerá de forma automática o estado das uvas, sendo aconsellado en todo momento sobre as medidas a seguir, sen laboriosos análises químicos e valorizacións subxectivas, a través dunha páxina web e aplicación móbil.

XESTIÓN DO MONTE
O sector forestal é o obxectivo dalgúns dos proxectos deste concurso. O denominado E-Monte ofrece a creación dunha plataforma web deseñada para facilitar a compra-venda de lotes de madeira entre propietarios forestais e as empresas rematantes grazas a un sistema innovador. Pola súa banda, «Unha Nova Era da Agricultura Ecolóxica Desperta en Monforte» céntrase na búsqueda de novas técnicas baseadas en produtos naturais para o control de malezas. O proxecto denominado «Biofergo. Aproveitamento da masa forestal para fabricar briquetas, pellets e astilla», trata de aproveitar a masa forestal, tanto a madeira (ramas e trozos) para a fabricación de pellets, briquetas e astillas, así como a vexetal (plantas diversas como toxo e outros) para abono ou cosméticos, dependendo do tipo de planta.
O proxecto «Monforest» consiste en elaborar pellets de biomasa forestal, e servir de centro de asesoría e intermediación, con servizos como xestións de poda, desbroce, apeo e limpeza de montes a través de subcontratas ou persoal propio.

MEDIO AMBIENTE E HÁBITAT
Entre os proxectos presentados, Composterra propón a creación dunha planta de compostaxe aerobia para a facción orgánica dos residuos xerados na comarca de Lemos, e ubicada no Polígono Industrial de Monforte.
Ademais, hai propostas destinadas ao hábitat, o lecer didáctico e o consumo. O proxecto «THE Twenty European Houses» propón a fabricación de vivendas ecolóxicas, sustentables e económicas a partir de contenedores marítimos. Baixo a etiqueta «Creación dun Universo Didáctico Infantil “Keko e os Tukos”, presentouse un proxecto para crear un universo didáctico infantil, multiplataforma e multidisciplinar, con aplicacións para dispositivos móbiles e tablets. De cara ao consumo, o proxecto «Ribeira Sacra. Recendo dunha terra milenaria» busca identificar os compostos fenólicos, aromáticos e aceites esenciais dos produtos naturais da zona que contribúen a conformar o seu recendo propio, e elaborar produtos baixo unha nova marca calidade, «Recendo da Ribeira Sacra».

TECNOLOXÍA PARA COMUNICACIÓNS
A relación de finalistas complétase co proxecto «Light Transmisión: Transmisión da información no espectro visible», que busca implantar sistemas de transmisión e recepción de información mediante espectro visible (luz LED) como substituto aos sistemas actuais de onda WIFI, Bluetooth, Wimax, e outros.

DOUS PROXECTOS EN RESERVA
O xurado do I Concurso de Proxectos Empresariais ten en reserva dous proxectos. O primeiro é Turibeirasacra.com, un espazo na rede para a posta en valor da Ribeira Sacra nos circuitos turísticos internacionais, e como axente activo para a exportación de bens e servizos. A segunda reserva é «Espazo de Traballo Compartido (Coworking) CabeMos», para crear en Monforte o primeiro espazo de traballo compartido, que permite a profesionais, emprendedores e pemes compartir un espazo de traballo para os seus proxectos independentes á vez que se fomentan proxectos conxuntos.•