•Presentaron o viño Lar de Ricobao, da adega do mesmo nome, no Centro do Viño de Monforte

• O calendario enolóxico da Ribeira Sacra comezou o mes de decembro coa posta de largo dunha nova adega, Lar de Ricobao, que bota a andar a súa primeira etiqueta. O viño Lar de Ricobao foi presentado o pasado día 3 no Centro do Viño da Ribeira Sacra, nun acto que contou coa presencia do enólogo Luis Buitrón e o representante da adega Julio Quiroga Zarauza.
A adega Lar de Ricobao, ubicada no polígono empresarial de Quiroga, é un proxecto de recente creación, posto en marcha por un grupo de emprendedores da zona. Según explicaron os responsables da adega, a súa actividade desenvólvese co máximo respecto ao medio, implementando técnicas sostibles no traballo do campo e de aproveitamento de enerxías renovables na planta de elaboración. O obxectivo é trasladar ao consumidor o mellor das terras de Quiroga e Ribas do Sil, onde están os seus viñedos, e producir en torno aos 15.000 litros de viño.•