• O alcalde de A Pobra do Brollón, o nacionalista Xosé Lois Maceda, reuniuse o venres 19 de decembro co Valedor do Pobo, para informar sobre a situación do Centro de Saúde deste municipio do sur de Lugo. O rexedor nacionalista informou a José Julio Fernández Rodríguez da solicitude do goberno municipal e da veciñanza de Brollón de que a Consellería de Sanidade cubra no Centro de Saúde da localidade a praza do facultativo que está de baixa dende agosto. Para reforzar esta petición, Xosé Lois Maceda entregou as 364 firmas dos veciños solicitando a substitución dese médico. Asemade, o grupo municipal do BNG presentou unha moción sobre esta situación para debater no pleno do 23 de decembro, na que pedirán o voto favorable de todos os grupos políticos representados na corporación para reclamarlle á Xunta de Galiza que contrate a un substituto a tempo completo.
Según explicou Maceda, “o malestar creado na veciñanza pola non substitución do médico de baixa vai en aumento, xa que se viron obrigados a pasar o verán cunha atención médica insuficiente e vense obrigados a continuar igual no inverno”. O alcalde recordou a situación “excepcional” de Brollón, cunha poboación moi dispersa e cun dos índices de avellentamento da poboación máis altos de todo o Estado”.
Desde o BNG resaltan que “tanto veciños como goberno local só demandan “unha atención sanitaria non discriminatoria e conforme a uns parámetros de calidade que todo galego debera recibir”.•
Últimas noticias sobre INFRAESTRUCTURAS
A Xunta de Galicia aprobou a implantación de 12 polos creativos e a execución de 12
Dende o 21 de xullo, a pasarela do Malecón de Monforte está cortada ao tráfico de
• Mentres desde o PSdeG pregúntanse «onde está o PP para pedir que a Xunta actúe
• Logo do preacordo que vén de firmar con FCC Aqualia S.A. para executar as obras
• A orden foi decretada polo Alcalde José Tomé Roca, para garantir á seguridade durante os