As instalacións de golf de Augas Santas seguen a ser un referente nos circuítos competitivos de Galicia. Do 9 ao 11 de xaneiro disputouse a segunda proba clasificatoria da Liga de parellas Costas Galicia, na modalidade greensome.
RESULTADOS
Entre as 35 parellas participantes, alzouse co triunfo o tandem formado polos vigueses Fernando Moldes e Román Lorenzo, con 41 puntos stableford, co que suman dúas victorias consecutivas, postulándose como serios candidatos á victoria final, como xa sucedera en 2006. O segundo posto foi para os locais César Varela e Juan Carlos Pérez «Kukín», con 39 puntos. A terceira praza correspondeu aos coruñeses Miguel e Antonio Outeriño, con 38 puntos.
