O Ministerio de Educación vén de resolver as axudas do Plan Promece, para o deseño e aplicación de proxectos de mellora do aprendizaxe do alumnado por agrupacións de centros escolares. Entre os proxectos aprobados está o presentado polo IES A Pinguela de Monforte, o IES Ribera de los Molinos de Mula (Murcia), IES Ría San Martín de Suances (Cantabria) e IES Las Salinas de Arrecife de Lanzarote (Canarias).
Este proxecto, denominado «Diversidade medioambiental, un proceso de aprendizaxe», está destinado ao alumnado de 2º ESO dos catro institutos, e conta cunha financiación de 38.400 euros. Logo dunha reunión de traballo dos representantes dos catro centros, o proxecto inclúe catro xuntanzas conxuntas do alumnado en Lanzarote, Galicia, Cantabria e Murcia ao longo deste ano. A cita nas Canarias será do 18 ao 25 de xaneiro. Con esta experiencia educativa fóra das aulas, o alumnado poderá coñecer de cerca a biodiversidade medioambiental doutras comunidades, dentro dun proxecto de aprendizaxe innovador. (Foto cedida)
Cargando ...
