•O deseño elixido recibirá un premio en metálico de 600 euros
• Xa están en marcha os preparativos para a celebración, os vindeiros 28 e 29 de marzo, da XXXV Feira de Amandi. Con este motivo, o Concello de Sober vén de convocar un concurso de deseño gráfico para elixir o cartel anunciador deste importante evento enolóxico, un dos máis senlleiros de Galicia. O traballo que resulte gañador recibirá un premio en metálico de 600 euros. As bases do concurso están publicadas na web municipal www.concellodesober.com, e o plazo para presentar os deseños a concurso remata o 10 de febreiro.
Según explicaron dende o Concello, os deseños deben presentarse en formato A3, e en soporte ríxido para facilitar a súa exposición. Serán de temática libre, e só se admitirá un cartel por autor. Por suposto, os traballos deberán reflectir o espírito da Feira do Viño de Amandi, con especial referencia ao sector vitivinícola e ao patrimonio e cultura da localidade. O deseño gañador será empregado como cartel anunciador da XXXV Feira do Viño de Amandi, así como nos programas de man. Os restantes carteis presentados poderán ser expostos se o Concello así o considera.
Os traballos entregaranse no Concello de Sober en horario de 10 a 14 horas, de luns a venres.•
Cargando ...
