En marcha axudas para a promoción de viños fóra de Europa e para reconversión de viñedos

O viño é un motor fundamental na economía da Ribeira Sacra.  Arquivo EC.
O viño é un motor fundamental na economía da Ribeira Sacra. Arquivo EC.

•A Xunta de Galicia aprobou esta quincena diversas liñas de axuda destinadas ao sector vitivinícola. O Diario Oficial de Galicia do 10 de xaneiro publicou as bases das axudas para a promoción do sector vitivinícola en mercados fóra da Unión Europea. A dotación total das subvencións é de 3.598.937 euros para o bienio 2015-2016. Poderán solicitar estas axudas empresas vinícolas, organizacións de produtores e as súas agrupacións, órganos de xestión das Denominacións de Orixe e das Indicacións Xeográficas Protexidas de viño, e asociacións de exportadores e consorcios de exportación do sector.

Tamén se poderán beneficiar as entidades asociativas sen ánimo de lucro participadas exclusivamente por empresas do sector vitivinícola que se adiquen á promoción exterior dos viños. Tamén poderán optar as cooperativas de segundo ou ulterior grao que comercializan viños elaborados polas súas adegas cooperativas asociadas. O prazo de solicitude remata o 10 de febreiro.

Por outra banda, a finais de decembro resolveuse a liña de axudas para reestruturación e reconversión de viñedos da convocatoria de 2014. Un total de 199 viticultores galegos beneficiaranse de axudas por un importe global de 769.928,28 euros. A provincia de Lugo é a terceira en canto a número de achegas concedidas, cun total de 32 beneficiarios e 168.385,36 euros. As tarefas para as que se destinan as axudas serán, entre outras, o arrinque e nova plantación de viñas, colocación de sistemas de condución das plantas, ou a construción de socalcos.•

 

Deixa unha resposta

Your email address will not be published.

Nova Anterior

En marcha os preparativos da Feira do Viño de Quiroga

Seguinte Nova

A Xunta destinará este ano máis de 45 millóns de euros a programas de formación e emprego

Últimas noticias sobre ECONOMÍA

   
A %d blogueros les gusta esto: