En marcha os preparativos da Feira do Viño de Quiroga

•Ata o 23 de xaneiro está aberta a inscrición para os adegueiros •A Feira do Viño de Quiroga celebrarase os días 4 e 5 de abril

• Quiroga xa está a preparar a vindeira edición da Feira do Viño, que este ano terá lugar os días 4 e 5 de abril na parte de arriba da rúa Real. A inscrición para os adegueiros xa está aberta, e deberá formalizarse antes do día 23 de xaneiro. Os participantes deberán garantir un mínimo de 200 botellas de viño branco e 250 de tinto para presentar na Feira, e provisionar outras tantas como mínimo en adega. A graduación mínima para os brancos está fixada en 12º, e en 11,5º para tintos. Os baremos de acidez serán de 0,5 gramos para viños brancos, e 0,6 gramos para tintos. Logo de formalizadas as inscricións, a organización procederá á recollida de mostras para a súa análise.