Ata o 31 de xaneiro pode verse no Museo Provincial de Lugo a exposición «Por que tapan a dor con flores?», do fotógrafo monfortino Iván Merayo. Durante a inauguración da mostra, celebrada o pasado 13 de xaneiro, Merayo precisou que as quince fotografías a integran supoñen unha reflexión «sobre as preguntas que día a día se fai a humanidade, sobre o destino e o máis aló». Ademais, as fotografías apuntan tamén cara «as frustracións dos fracasos que nos acompaña, unha anguria latente e reincidente», para concluír que «a tristura perdura sobre o efémero».
A entrada á exposición é gratuíta, e poderá ser visitada de luns a venres de 9,00 a 21,00 horas. Os sábados abrirá de 10,30 a 14 horas, e de 16,30 ás 20,00 horas. Ademais, o Museo abre os domingos e festivos de 11 a 14 horas.•
