Primeiros pasos para a disolución do Consorcio de Turismo e a creación dunha Mancomunidade de Municipios

Xestión institucional dos recursos turísticos na Ribeira Sacra

O último Pleno do Consorcio de Turismo Ribeira Sacra, celebrado en Chantada o 22 de decembro, aprobou iniciar o expediente para a disolución do Consorcio e a creación dunha Mancomunidade. Según explicaron os responsables desta entidade, o cambio na forma xurídica vén motivado pola entrada en vigor da Lei 27/2013 de 27 de decembro de racionalización e sosteñibilidade da Administración Local. Coa nova situación, a xestión turística de Ribeira Sacra manterá a súa autonomía como organismo participado polos 21 Concellos integrantes do Consorcio. Asimesmo, no que se refire á participación do Consello Regulador e da Asociación Ribeira Sacra Rural, e que ata este momento foron membros activos do Consorcio, os responsables deste organismo están a estudiar a forma de participación máis axeitada dentro da futura Mancomunidade.

MÁIS SOPORTES DE INFORMACIÓN SOBRE A RIBEIRA SACRA

Ademais da aprobación das contas das últimas anualidades, o Pleno do Consorcio de Turismo aprobou a compra dunha furgoneta para a distribución do material promocional que cada vez está a ser máis demandado. Por outra banda, tamén se aprobou a compra de estruturas para a montaxe de stands da entidade en eventos promocionais.

Por último, deuse a coñecer a nova app de información xeral da Ribeira Sacra en seis idiomas, e de 42 audioguías en tres idiomas, dispoñibles de balde na web do Consorcio. Con estes novos produtos, a Ribeira Sacra convírtese no destino de Galicia con maior número de soportes de información turística.

 

 

Deixa unha resposta

Your email address will not be published.

Nova Anterior

Tor, o segundo museo da Rede Provincial que máis medrou en visitas

Seguinte Nova

SUPLUSA xestionará tamén en 2015 os catamaráns de titularidade provincial

Últimas noticias sobre ASOCIACIONISMO

     
A %d blogueros les gusta esto: