SUPLUSA xestionará tamén en 2015 os catamaráns de titularidade provincial

Infraestruturas e recursos turísticos no entorno fluvial

O orzamento total será de 479.010 euros Mantéñense as tres rutas de Belesar, Doade-Santa Cristina e Os Robles

A finais do mes de decembro, o delegado de Cultura e Turismo da Deputación de Lugo, o nacionalista Mario Outeiro, anunciou que SUPLUSA continuará a xestionar en 2015 as rutas fluviais e embarcadoiros de titularidade provincial, que inclúen Belesar, Doade-Santa Cristina, e Os Robles. A Xunta de Goberno da Deputación celebrada o 26 do mes pasado acordou encomendar á Sociedade Urbanística Provincial de Lugo S.A. (SUPLUSA) a xestión dos embarcadoiros e embarcacións das rutas fluviais que o organismo provincial leva a cabo nos encoros da provincia e o seu ámbito, con especial atención á protección do medio. Según precisou Mario Outeiro, o orzamento total para esta partida en 2015 ascende a 479.010 euros.

HORARIOS E SAÍDAS POR TEMPADA NAS TRES RUTAS FLUVIAIS

O responsable provincial da Área de Turismo explicou que en 2015 as rutas de Belesar e Doade-Santa Cristina funcionarán todos os días durante a tempada de verán e en Semana Santa. Outeiro lembrou que na tempada de verán haberá tres saídas diarias nestas dúas rutas, ás once e media, ás cinco e ás sete, e no inverno as embarcacións estarán operativas os sábados, domingos e festivos con dúas saídas ás once e media e ás catro. A maiores, explicou o responsable provincial de Turismo, a ruta Doade-Santa Cristina funcionará en inverno tamén os mércores, xoves e venres, no mesmo horario que nas fins de semana. Por último, Outeiro lembrou que a ruta de Os Robles só estará operativa durante o verán, «e sempre que o caudal do Miño o permita», con catro saídas diarias ás once e media, e doce e media pola mañá, e ás cinco, ás seis e ás sete pola tarde. En canto á duración das rutas, o itinerario de Belesar prolóngase durante hora e media, o de Doade-Santa Cristina é de dúas horas, e a ruta de Os Robles é de 40 minutos

 

Deixa unha resposta

Your email address will not be published.

Nova Anterior

Primeiros pasos para a disolución do Consorcio de Turismo e a creación dunha Mancomunidade de Municipios

Seguinte Nova

Arrinca en febreiro a Escola Infantil de Golf en Augas Santas

Últimas noticias sobre INFRAESTRUCTURAS

A %d blogueros les gusta esto: