Tor, o segundo museo da Rede Provincial que máis medrou en visitas

A Rede Museística Provincial de Lugo superou as 100.000 visitas ao longo do ano 2014, o que supón un aumento de preto de 9.000 visitantes respecto ao ano anterior. O balance de visitantes dos catro museos que integran a Rede Provincial foi presentado a comezos de xaneiro polo delegado de Cultura e Turismo da Deputación Provincial, Mario Outeiro. O responsable nacionalista felicitouse por este aumento de preto dun 10% na afluencia de público aos museos de San Paio de Narla en Friol, Pazo de Tor en Monforte, Museo do Mar en San Cibrao, e Museo Provincial de Lugo. Un total de 101.557 persoas achegáronse ao longo do ano pasado a algún destes catro espazos museísticos, xestionados pola área provincial de Turismo. Así, 20.077 persoas visitaron en 2014 o Museo-Fortaleza de San Paio de Narla, en Friol, o que supuxo un incremento do 24,16% no número de visitantes, a subida máis importante dentro da Rede Museística Provincial. En segundo lugar está o Pazo de Tor, que aumentou nun 20,26% a cifra anual de visitantes, pasando dos 6.320 en 2013 aos 7.601 en 2014. Pola súa banda, o Museo do Mar en San Cibrao rexistrou 17.966 visitantes o pasado ano, cunha suba do 9,94% respecto a 2013. Por último, o Museo Provincial de Lugo contabilizou 55.198 visitantes en 2014, un 4% máis que o ano anterior. Outeiro agradeceu á directora da Rede Museística e ao persoal dos museos «o seu entusiasmo por facer deste espazos os puntos de referencia cultural da nosa provincia».•

 

Deixa unha resposta

Your email address will not be published.

Nova Anterior

70 deportistas participaron en Augas Santas na segunda proba da Liga Costas Galicia

Seguinte Nova

Primeiros pasos para a disolución do Consorcio de Turismo e a creación dunha Mancomunidade de Municipios

Últimas noticias sobre CULTURA

A %d blogueros les gusta esto: