A Praza de San Marcos en Lugo acolle a exposición fotográfica «Ribeira Sacra Patrimonio da Humanidade»

O presidente da Deputación de Lugo, José Ramón Gómez Besteiro; a vicepresidenta segunda, Lara Méndez; o director de El Progreso, Luís Caeir; e o director de La Región, Xosé Pastoriza, durante a presentación da mostra en Lugo, o 27 de xaneiro. GPDL.
O presidente da Deputación de Lugo, José Ramón Gómez Besteiro; a vicepresidenta segunda, Lara Méndez; o director de El Progreso, Luís Caeir; e o director de La Región, Xosé Pastoriza, durante a presentación da mostra en Lugo, o 27 de xaneiro. GPDL.

• O presidente da Deputación, José Ramón Gómez Besteiro, acompañado da vicepresidenta segunda, Lara Méndez, o director de El Progreso, Luís Caeiro e o director de La Región, Xosé Pastoriza, inaugurou o día 27 deste mes a exposición fotográfica «Ribeira Sacra Patrimonio da Humanidade», que organiza o organismo provincial en colaboración con estes dous diarios.

Esta mostra ten como obxectivo promocionar e dar a coñecer entre as veciñas e veciños da provincia a riqueza medioambiental e patrimonial deste espazo natural.

Gómez Besteiro valorou que «dende a Deputación estamos impulsando á Ribeira Sacra para conseguir o título de Patrimonio da Humanidade, que proxectará a imaxe non só de Lugo, senón tamén de Ourense e Galicia». O presidente informou tamén que durante este días, atoparase na praza o Autobús da Ribeira Sacra, onde están os libros oficias da UNESCO para recadar sinaturas co fin de conseguir este distintivo internacional, «que marcará un antes e un despois na nosa provincia».

A mostra itinerante, que estivo na cidade de Ourense, está composta por máis de 400 fotografías que amosan a visión que teñen os cidadáns deste espazo natural. A exposición permanecerá na Praza de San Marcos ata o vindeiro 8 de febreiro.•

 

Deixa unha resposta

Your email address will not be published.

Nova Anterior

Comezan os preparativos para o Entroido

Seguinte Nova

PERRUQUERÍAS DE TODA A PROVINCIA FOMENTARÁN O USO DO IDIOMA GALEGO ENTRE A POBOACIÓN

Últimas noticias sobre CULTURA

A %d blogueros les gusta esto: