AS COMUNIDADES GALEGAS NO EXTERIOR CONTRIBUIRÁN Á PROMOCIÓN NACIONAL E INTERNACIONAL DO FILME «A ESMORGA», RODADO EN ESCENARIO DO SUR DE LUGO

Respondendo á petición da produtora desta película, baseada na novela homónima de Eduardo Blanco Amor, a Secretaría Xeral da Emigración colaborará coas comunidades galegas no resto de España, de Europa e América, para que sirvan de plataforma de expansión nacional e internacional á obra. Así, antes da estrea comercial oficial no resto de España, prevista para a primavera, a produtora do filme e a Secretaría Xeral da Emigración traballarán conxuntamente para que tanto o director, Ignacio Vilar, e os actores protagonistas, Karra Elejalde, Antonio Durán «Morris» e Miguel de Lira, poidan dar a coñecer a produción nos centros e casas galegos no País Vasco, Cataluña e Comunidade de Madrid.•