•O vicepresidente da Xunta, Alfonso Rueda, visitou as obras dos accesos ao Concello, Centro Sociocultural, Biblioteca e Rexistro •Estas obras de reurbanización supuxeron un investimento conxunto de preto de 50.000 euros
• O vicepresidente da Xunta, Alfonso Rueda, visitou Sober o pasado día 17, para supervisar o resultado das melloras realizadas na contorna da Casa Consistorial. Acompañado pola delegada territorial da Xunta en Lugo, Raquel Arias, e o alcalde de Sober, Luis Fernández Guitián, destacou a colaboración entre a Xunta e o Concello para facer fronte ao investimento de preto de 50.000 euros, que fixo posible a reurbanización deste espazo. As obras consistiron na reforma dos pavimentos existentes e a mellora da distribución da rede de servizos municipais, co que se facilita o acceso da veciñanza aos servizos da Casa do Concello, o Centro Sociocultural, a Biblioteca e o Rexistro.•
