• O Concello de Sober vén de pór en marcha o I Certame de debuxo infantil Feira do Viño de Amandi 2015, coa finalidade de elaborar un adhesivo co traballo gañador.
No concurso poden participar os nenos e nenas da Comarca de Lemos de 6 a 12 anos. Cada participante pode presentar un único traballo, que acompañará dun folio no que deben figurar os seus datos persoais. Os presentaranse sobre cartolina en tamaño aproximado DIN A4, e o tema debe ser «O cultivo da vida na Ribeira Sacra». Os traballos entregaranse ata o 27 de febreiro na Biblioteca Pública do Concello de Sober.
O xurado seleccionará ao gañador, quen recibirá un premio o 29 de marzo, tras a lectura do pregón da XXXV Feira do Viño de Amandi. O alcalde de Sober, Luis Fernández Guitián, anima a todos e todas os escolares da Comarca a participar neste certame, «para que os seus debuxos poidan ter un eco internacional» a través do adhesivo que imprimirá o Concello, e que será entregado na Feira.•
Cargando ...
