•Os traballos foron executados polo módulo de carpintería do obradoiro de emprego
• A mediados de xaneiro quedaron completados en Sober os traballos de renovación dun total de 15 marquesiñas distribuídas por todo o término municipal. Según explicou o alcalde de Sober, Luis Fernández Guitián, estes traballos están integrados dentro do proxecto de mellora e coidado da imaxe da contorna e dotación de servizos á cidadanía. As renovacións tiveron lugar nas marquesiñas de Matamá, Arxemil e O Toxedo, na parroquia de Anllo San Martiño, nas de A Pena e Vilanova en Gundivós, Doade e Vilachá, A Pena en Proendos, Vilamaior en Refoxo, A Casilla en Neiras, Soutonovo e Igrexa en Anllo Santo Estevo, Barreiros en Santiorxo, e O Pinar en Bolmente. A finais de mes estábase a completar a de Telleiros. A intención do Concello é seguir avanzando nestes traballos en diferentes lugares do municipio. As obras foron executadas polo módulo de carpintería do obradoiro de emprego que Sober comparte con Pantón e O Saviñao.•
