• A finais de xaneiro, tivo lugar a inauguración de tres proxectos en Folgoso do Courel que contaron cunha axuda da Axencia Galega de Desenvolvemento Rural (Agader) de 31.898,48 euros, a través do GDR Ancares- Courel. Os proxectos corresponderon á restauración da igrexa do Rosario en Mirad, o centro sociocultural de Vilela e a nova web turística do concello. Na inauguración participaron o director xeral de Desenvolvemento Rural, Antonio Crespo, a delegada territorial da Xunta en Lugo, Raquel Arias e a alcaldesa, Dolores Castro.
DETALLE DAS ACTUACIÓNS
A igrexa do Rosario, en Mira, que se atopaba en ruínas, foi rehabilitada respectando a súa forma tradicional e conservando a estrutura das construcións típicas das aldeas do Courel. Pola súa banda, o centro sociocultural de Vilela suporá un punto de encontro para os veciños.
O terceiro proxecto financiado por Agader foi a nova web turística do concello de Folgoso do Courel, que permitirá aos usuarios acceder ás rutas turísticas que ofrece o lugar con xeoreferenciación dos puntos turísticos, e ofrecerá ademais información de todos os puntos atractivos para o visitante. Según explicaron os responsables autonómicos, con estas actuacións financiadas con fondos Leader, Agader contribúe á mellora da calidade de vida nas zonas rurais e a impulsar e promocionar o patrimonio paisaxístico e cultural.•
Cargando ...
