• Por iniciativa da Fundación Bautista Álvarez e a Agrupación Cultural O Galo, logo da conmemoración en 2014 dos 50 anos da fundación da Unión do Povo Galego
• A Sala Multiusos do Museo Provincial de Lugo acolle ata o 3 de marzo a exposición «A Nación galega en pé», unha iniciativa promovida pola Fundación Bautista Álvarez e a Agrupación Cultural O Galo, coa colaboración da Área de Cultura e Turismo da Deputación de Lugo.
Esta iniciativa xurdiu ao cumplirse en 2014 os 50 anos da fundación da Unión do Pobo Galego, coa que se reiniciou o traballo político clandestino en plena ditadura e tras a liquidación das organizacións previas, como o Partido Galeguista.
COMPROMISO SOCIAL, POLÍTICO E POLO DESENVOLVEMENTO SOSTIBLE DE GALICIA
A exposición mostra oito paneis e oito expositores con imaxes e documentos orixinais, mediante os que se pode coñecer o desenvolvemento organizativo e o compromiso das organizacións sociais nacionalistas cos intereses do pobo galego. Tamén se pode coñecer a través dos documentos e imaxes as relacións internacionais, a aposta por un sindicalismo de clase e non pactista, os combates pola defensa dos dereitos das mulleres, da identidade nacional, cultura e lingua. Na mostra está presente o compromiso do movemento coa salvagarda e explotación sostible do noso ecosistema, e a súa actividade político-social a prol das xentes máis desfavorecidas de Galicia.•
Cargando ...
