Benestar prevé adxudicar as obras da residencia para persoas maiores de Paradela este trimestre

A conselleira de Traballo e Benestar, Beatriz Mato, a delegada territorial da Xunta en Lugo, Raquel Arias, e o alcalde de Paradela, José Manuel Mato, na reunión celebrada en Lugo o 4 de febreiro. GPXG.
A conselleira de Traballo e Benestar, Beatriz Mato, a delegada territorial da Xunta en Lugo, Raquel Arias, e o alcalde de Paradela, José Manuel Mato, na reunión celebrada en Lugo o 4 de febreiro. GPXG.

• A Consellería de Traballo e Benestar anunciou as previsións para o inicio das obras da residencia para persoas maiores dependentes de Paradela, e que poderían comezar no segundo trimestre deste ano. Este anuncio foi dado a coñecer a comezos deste mes logo da reunión mantida en Lugo pola titular autonómica, Beatriz Mato, o alcalde de Paradela, José Manuel Mato, e a delegada territorial da Xunta en Lugo, Raquel Arias.

CARACTERÍSTICAS

Na xuntanza, Beatriz Mato explicou que o prazo para presentar as ofertas para esta obra xa rematou, despois de que a licitación saíra publicada no Diario Oficial de Galicia o pasado mes de decembro. Según este calendario, en breve se procederá á apertura das propostas presentadas para adxudicar os traballos «o antes posible». Dende a Consellería estiman que a duración das obras sexa de 18 meses aproximadamente.

A Consellería de Traballo e Benestar investirá neste proxecto máis de 1,6 millóns de euros. A residencia de Paradela ofertará 24 prazas e será ampliable ata 48, segundo se recolle no proxecto. Este servizo social emprazarase na rúa Cabaleiro de Santiago e contará cunha superficie construída de máis de 1.500 metros cadrados. A actuación tamén incluirá a urbanización da parcela, incluíndo o aparcadoiro, xardín e sendas peonís. •

 

Deixa unha resposta

Your email address will not be published.

Nova Anterior

Os populares lucenses critican que a comarca de Sarria “non é prioritaria para Besteiro”

Seguinte Nova

Julio Yebra optará á reelección como alcalde de Carballedo

Últimas noticias sobre INFRAESTRUCTURAS

 
A %d blogueros les gusta esto: