O Centro do Viño aposta polas novas tecnoloxías aplicadas á promoción e venta

•Todas as botellas levarán un código QR para acceder a un vídeo promocional da Ribeira Sacra, e á tenda on line do Centro do Viño

Durante 2014, a tenda do Centro vendeu 11.426 botellas de viño, 926 licores e 529 unidades doutros produtos A Oficina de Turismo atendeu a 11.682 persoas, e 109 peregrinos selaron as súas credenciais 3.413 visitantes coñeceron o Museo O Centro do Viño acolleu preto dun centenar de actividades

Noelia Iglesias Losada e José Ramón Martínez Mareque, responsables da empresa Rutas Sacras Nomar, xestora do Centro do Viño, xunto a Ana Belén Fernández, da produtora Némesis Creaciones, presentaron as novidades do Centro do Viño e o balance do ano 2014, a comezos de febreiro. (Foto cedida).
Noelia Iglesias Losada e José Ramón Martínez Mareque, responsables da empresa Rutas Sacras Nomar, xestora do Centro do Viño, xunto a Ana Belén Fernández, da produtora Némesis Creaciones, presentaron as novidades do Centro do Viño e o balance do ano 2014, a comezos de febreiro. (Foto cedida).

• O Centro do Viño de Monforte presentou a comezos de febreiro un paquete de iniciativas, destinadas a reforzar a promoción dos viños e do territorio da Ribeira Sacra, así como a comercialización dos caldos producidos baixo esta Denominación de Orixe. Según explicaron Noelia Iglesias Losada e José Ramón Martínez Mareque, responsables da empresa Rutas Sacras Nomar, xestora do Centro do Viño, as novidades están referidas á implantación das novas tecnoloxías nas estratexias de promoción e venda. Así, a partir de agora, todas as botellas que se vendan no Centro do Viño levarán impreso un código QR, a través do que se poderá acceder, con tan só un teléfono móbil, a un vídeo promocional da Ribeira Sacra, o seu patrimonio e a súa paisaxe.Este vídeo, de 50 segundos de duración, foi elaborado pola produtora Némesis Creaciones. «A paisaxe é un valor engadido ao viño, e deste xeito a través do código QR e o audiovisual facilítaselle a quenes merquen unha botella a posibilidade de coñecer o territorio do que procede o producto que merca», destacaron os xestores do Centro do Viño de Monforte.

Este vídeo serve tamén de entrada á tenda on line, que permite adquirir dende calquer punto un amplo catálogo de viños e licores da Ribeira Sacra. Según explicaron os responsables desta iniciativa, a nova plataforma de venda electrónica, http://centrovino.es/video, actuará de escaparate dos nosos viños, mellorando as ventas e dando máis proxección ás adegas e ao territorio desta Denominación.

O día 7, o Centro do Viño acolleu unha cita co Entroido tradicional, na que participaron personaxes como o Oso de Salcedo, mecos e danzantes do Entroido Ribeirao. (Foto cedida).
O día 7, o Centro do Viño acolleu unha cita co Entroido tradicional, na que participaron personaxes como o Oso de Salcedo, mecos e danzantes do Entroido Ribeirao. (Foto cedida).

BALANCE DE 2014

Na presentación destas novidades, os xestores do Centro do Viño deron a coñecer o balance correspondente a 2014. Durante o ano pasado, a tenda situada no Centro do Viño vendeu 11.426 botellas de viño, 926 de licores e 529 unidades doutros produtos, ademais de servir 150 envíos a diversos puntos de España. En canto á Oficina de Turismo, integrada neste Centro, rexistráronse 11.682 consultas presenciais, e 109 peregrinos selaron as súas credenciais. Pola súa banda, o Museo do Viño recibiu 3.413 visitas.

En canto ás actividades, o Centro do Viño promoveu nove catas, 44 presentacións de viños, e a primeira edición da Festa do Viño Novo. Ademais, este espazo acolleu 9 exposicións, sete charlas sobre patrimonio da zona, 5 presentacións de libros e 12 obradoiros para escolares. A artesanía tamén tivo un oco no Centro, coa celebración da Feira de Artesanía e os Sábados Artesáns.•

Deixa unha resposta

Your email address will not be published.

Nova Anterior

Julio Yebra optará á reelección como alcalde de Carballedo

Seguinte Nova

José Manuel Arias repite como candidato do PP á alcaldía de Bóveda

Últimas noticias sobre ASOCIACIONISMO

   
A %d blogueros les gusta esto: