•Ademais, outros seis taekwondistas deste clube xa se preparan para a súa participación no Campionato Galego de Combate, que se celebrará en Cangas a finais de febrero
• O club Neka comeza o ano con forza. Deportistas do clube monfortino estarán presentes nas principais competicións a nivel nacional e autonómico que se van celebrar este mes de febreiro.
TRES DEPORTISTAS DO NEKA NA ÉLITE GALEGA
O primeiro compromiso para os do Neka será no Open de Fuenteálamo, na provincia de Murcia, o próximo día 21 coa selección galega. Tres deportistas monfortinos, Cristian Castro, José Roca e Carlos Rey participarán no grupo que representará a Galicia nesta importante cita. Según explica o adestrador de Neka, José Mª Vega, estes tres deportistas «xa están entrenando forte dende xaneiro, de cara a este Open, con xornadas extras». Será precisamente Vega o responsable técnico que encabezará a expedición galega ao Open de Fuenteálamo.
VETERANOS E SAVIA NOVA DO NEKA NO CAMPIONATO GALEGO DE COMBATE
A seguinte proba na que estarán presentes os deportistas do Neka será o Campionato Galego Promesas da modalidade de combate. A esta competición, que terá lugar en Cangas o 28 de febreiro, acudirán o actual campión galego José Roca, Junior Martínez, Víctor Iglesias, Francisco López, Saúl Martínez e Alejandro López. Dende Neka teñen depositadas «moitas esperanzas» no papel que pode xogar o veterano José Roca, quen xunto a Saúl Martínez contan con gran experiencia neste tipo de encontros. Ademais, a cita de Cangas suporá o debut en competición de Víctor Iglesias e Francisco López.•
•José Mª Vega acadou a súa acreditación como coach internacional en Madrid
• O adestrador do Neka, José Mª Vega, vén de acadar a súa acreditación como coach internacional no curso organizado pola World Taekwondo Federation, e que tivo lugar na sede do Comité Olímpico Español en Madrid o 31 de xaneiro e 1 de febreiro. O curso foi impartido por Shakir Chelbat, máximo responsable da arbitraxe no taekwondo a nivel internacional, e contou coa participación dun cento de adestradores procedentes de toda Europa.•
