•Os socialistas solicitan que Fomento habilite unha partida «extraordinaria e urxente» para acondicionar a N-540

• O senador lucense Ricardo Varela pediu ao Ministerio de Fomento que habilite «unha partida extraordinaria e urxente» para o acondicionamento e conservación da estrada N-540, principal vía entre Lugo e Ourense, e que comunica Chantada e Taboada. Varela rexistrou unha iniciativa na Cámara Alta, para que o Executivo central “faga un esforzo inversor en evitar que esta arteria de comunicación remate por ser totalmente intransitable”.
O socialista explicou «o deficitario estado» deste vial «na política de recortes do Goberno de España que está a afectar dun modo moi negativo á rede de comunicacións”. “A falta de orzamento para conservación e mantemento propiciou este degaste que cada día é evidente, e que afecta á facilidade para o desprazamento, e á propia seguridade dos usuarios”, afirmou Varela. O senador socialista engadiu que “a falta de mantemento provocou un deterioro tal no firme da vía que, nestes momentos, pon en serio risco aos automobilistas, sobre todo baixo condicións meteorolóxicas adversas”.•

Deixa unha resposta

Your email address will not be published.

Nova Anterior

A selección galega de taekwondo, primeira no Open de Fuenteálamo

Seguinte Nova

Piden no Congreso que se evite a demolición da ponte de Calvo Sotelo en Sarria

Últimas noticias sobre INFRAESTRUTURAS

A %d blogueros les gusta esto: