•A Deputación financia preto do 65% dos traballos, aportando 1.887.903 euros •Os concellos achegarán os 1.085.319 euros restantes
• O Pleno da Deputación de Lugo, celebrado o 24 de febreiro, aprobou a listaxe das 69 actuacións incluídas no Plan de Obras e Servizos (POS) para este ano, e que conta cunha partida de 2.973.223 euros. Desta cifra, o organismo provincial achega preto do 65%, un total de 1.887.903 euros, e o resto será aportado polos concellos. Según explicou o presidente da Deputación, José Ramón Gómez Besteiro, “garantimos a execución deste plan de obra pública nos concellos, co que respondemos ás peticións que nos fixeron os veciños durante a elaboración dos Orzamentos Participativos, malia o financiamento cero do Goberno central por cuarto ano consecutivo”. Ata 2012, o Plan de Obras e Servizos estaba financiado nun 50% polo Executivo estatal, nun 25% polas Deputacións e nun 25% polos municipios.
4 OBRAS EN ESTRADAS, FINANCIADAS POLA DEPUTACIÓN
Según explicaron os responsables provinciais, o POS contempla 4 obras en estradas provinciais nos municipios de Cospeito, Negueira de Muñiz, Sober e Xermade. As obras realizaranse na CP-1701 de Feira do Monte a Muimenta, a CP-3601 de Acebo a Negueira de Muñiz, a estrada CP-5904 de Sober por Gundivós a Vilachá, e a CP-2204 de Momán ás Pontes. Esta última é unha das actuacións solicitadas polos veciños de Vilalba nos Orzamentos Participativos e que se comprometeu a realizar a Deputación este ano. O presuposto das 4 obras é de 961.056 euros, financiados ao 100% polo organismo provincial.
As outras 65 obras corresponden a actuacións en diversas infraestruturas en todos os municipios agás Trabada e Riotorto, que non quixeron sumarse a este Plan. Estas obras supoñen un investimento de preto de 2 millóns de euros, financiados ao 50% pola Deputación e os concellos. Os criterios de reparto de fondos son os que se veñen empregando dende 2008, e que garanten que cada concello recibe un mínimo de 10.000 euros. Para fixar esta cantidade, valórase nun 40% a poboación de cada municipio, nun 20% a súa superficie, nun 25% os núcleos de poboación e o 15% restante corresponde á carga fiscal.•
•18 ACTUACIÓNS DO POS 2015 NO SUR DE LUGO
BÓVEDA: Dotación de electricidade ás escolas de Raíña, Vales-Teilán, Tuimil e Centro Social de Guntín (23.607,84€). CARBALLEDO: Reforma e optimización enerxética do alumeado público en San Cibrao, Voutureira, Pasarín, San Lourenzo, Gandareira, Veliño e área recreativa (29.921,56€). CHANTADA: Pavimentación da zona de rodadura da Praza Buen Jesús e no entorno do Auditorio (55.079,47€). FOLGOSO: Rexeneración da estrada municipal LU-M-017022 (23.607,84€). O INCIO: 1ª fase do acondicionamento do acceso a Toldaos (27.215,68€). LÁNCARA:Abastecemento ao núcleo de Ronfe (28.117,63€). MONFORTE: Mellora da eficiencia enerxética do pavillón polideportivo de A Pinguela (35.356€). PANTÓN: Arranxo de acceso e melloras no edificio da Casa Consistorial e no aparcadoiro municipal (30.620,29€). PARADELA: Rexeneración dos accesos a San Pedro, Toimil e Cortiñas, na parroquia de Barán (27.215,68€). A POBRA DO BROLLÓN: Construción dun tramo de beirarrúa na Avenida de Outeiro (25.411,76€). QUIROGA: Ampliación do edificio municipal de servizos sociais na Ribeira na parroquia de San Salvador de Hospital (28.500€). RIBAS DE SIL: Melloras na rede de abastecemento de augas en San Clodio (22.705,88€). SAMOS: Mellora da pavimentación en viales interiores dos núcleos de Lamas e Roxofrei (26.313,72€). SARRIA: Soterramento da línea de media tensión aérea e substitución do centro de transformación 27A889 Oural-parroquia de Chorente (38.189,11€). O SAVIÑAO: Acondicionamento de instalacións deportivas no Campo da Lama de Escairón (33.529,40€). SOBER: 3ª fase do saneamento na parroquia de Millán (30.823,52€). TABOADA: Acondicionamento de accesos a Piñeira, A Facha e A Almuíña (29.921,56€). TRIACASTELA: Construción de muro de contención en Vilavella (21.803,92€).
