•Este programa provincial está destinado a maiores de 55 anos • Busca promover o envellecemento activo a través do uso das novas tecnoloxías

O voceiro municipal do PSdeG-PSOE en Monforte, José Tomé, e o deputado Miguel Ángel Sotuela, cos participantes no programa Engurras TIC na cidade do Cabe. GPDL.

• Monforte é un dos escenarios do programa Engurras TIC, unha iniciativa da Deputación de Lugo que se está a desenvolver en diversos puntos da provincia, e na que participan maiores de 55 anos. Este programa, totalmente gratuíto, busca promover o envellecemento activo a través do uso das novas tecnoloxías. Os participantes realizan fotografías con dispositivos tecnolóxicos como smartphones, tablets e ordenadores portátiles, para logo editalas e compartilas nas redes sociais. Os traballos serán expostos na sede da Fundación en Monforte, e participarán nun concurso provincial.
Esta programación forma parte das actividades do Centro de Innovación Social Inlugo en impulso do benestar social, financiadas nun 80% con fondos da Unión Europea do proxecto tecnolóxico da Deputación InnovaTE.•