Un ano máis, a selección sarriana infantil de fútbol participará no XIII Torneo Internacional de Guerlédan, na Bretaña francesa. Esta competición reúne a 128 equipos de 14 países, sendo a selección sarriana un dos dous equipos españois invitados a esta cita deportiva.
Dende a Asociación Irmandade Sarria-Guerlédan lamentaron que este ano a Concellería de Deportes de Sarria declinara colaborar con esta iniciativa, por considerala «un gasto excesivo». De aí que a Asociación decidira acudir ao presidente da Deputación para expoñerlle a importancia deste proxecto deportivo e formativo, no que a nosa provincia estaría representada. Finalmente, será a Deputación a que achegue a totalidade do financiamento desta iniciativa. O ano pasado, o Concello financiou o 90% da viaxe, e a Deputación de Lugo o 10%.•
Cargando ...
