• Ata o 27 de marzo, a Casa da Cultura de Monforte acolle a exposición «Aos Olhos de Eduardo», unha mostra da obra do fotógrafo portugués Eduardo Teixeira Pinto, a través da colaboración entre Fundación Vicente Risco e a concellería de Cultura.
Esta mostra integra 70 fotografías en branco e negro, tomadas entre 1950 e 1970. Eduardo Teixeira Pinto (1933-2009) está considerado como un dos mellores e máis galardoados fotógrafos portugueses do século pasado. Nado en Amarante, herdou do seu pai, tamén fotógrafo, o pracer de fotografar. Socio cos irmáns e pai, traballou sempre con eles e dedicou a súa vida á fotografía. •
