•A agrupación Iniciativa por Chantada comunicou a finais do mes pasado a posta en marcha dun correo electrónico, iniciativaporchantada@gmail.com, na que os veciños e veciñas na vila do Asma poidan rexistrar as súas propostas «cara a promover unha candidatura cidadá para as próximas eleccións municipais». Según explicaron dende este colectivo, tanto o programa como a candidatura e o labor de apoio e control ás persoas electas «serán decididos con participación directa de todas as veciñas e veciños que o desexen». As persoas encargadas de coordinar o grupo de traballo, Xaquín López e María del Carmen Taboada Gómez, e o propio grupo de traballo, convocarán a próxima reunión veciñal «en canto estea minimamente elaborada unha proposta».•
