•O presidente do Partido Popular de Lugo resaltou «a experiencia, vocación municipalista e a dedicación plena de Julio Álvarez cos seus veciños»
• Julio Álvarez Núñez, alcalde de Quiroga, será de novo o candidato do Partido Popular nas vindeiras eleccións municipais. Esta será a sétima campaña electoral para Álvarez, quen en 1987 encabezara por primeira vez a candidatura do Partido Popular, resultando elixido alcalde con maioría absoluta.
SETE MAIORÍAS ABSOLUTAS NAS MUNICIPAIS
No anuncio da candidatura de Julio Álvarez como alcaldable, o presidente do Partido Popular de Lugo, José Manuel Barreiro, destacou a dedicación «admirable e comprometida» do candidato popular con Quiroga, «o que fixo posible que revalidase a maioría absoluta en todos os comicios».
PROXIMIDADE COA VECIÑANZA, HONESTIDADE, TRABALLO E FORTE COMPROMISO PÚBLICO
Asimesmo, o líder dos populares lucenses defendeu a xestión de Julio Álvarez no Concello durante os 28 anos que leva á fronte da alcaldía. Barreiro definiu ao candidato como unha persoa «moi próxima aos veciños, honesta, traballadora e cun forte compromiso público co seu municipio».
Julio Álvarez Núñez accedeu á alcaldía por primeira vez con 30 anos. ATS de profesión, compaxina este traballo coa súa xestión no Concello. Álvarez foi vicepresidente da Deputación de Lugo, deputado provincial, e presidente da FEGAMP.•
