•Dende novembro de 2013, o Centro Verde situado no polígono do Reboredo, sirve de depósito para aqueles residuos que, sen chegar a perigosos, non encaixan na recollida convencional
• Durante o ano pasado, o Centro Verde de Monforte xestionou un total de 91.347 quilos de residuos procedentes da industria, según datos aportados pola Concellería de Medio Ambiente de Monforte. Os responsables municipais suliñaron que a función do Centro Verde é recoller os residuos producidos por empresas e autónomos, para a súa posterior entrega ós xestores autorizados. Estes residuos, sen chegar a resultar perigosos, non encaixan no sistema de recollida convencional, polo que son derivados ao Centro Verde.
OS VOLUMINOSOS E O ACEITE VEXETAL, OS RESIDUOS MÁIS ABUNDANTES NO CENTRO VERDE
Según explicaron dende a Concellería de Medio Ambiente de Monforte, a partida máis importante recollida no Centro Verde correspondeu a residuos voluminosos, dos que se depositaron o ano pasado 76.520 quilos. Lonxe destas cifras, recolléronse nestas instalacións un total de 8.360 quilos de madeira, e 4.940 quilos de aceite vexetal. Por outra banda, o depósito de metais acadou un volume de 700 quilos, mentres que se contabilizaron 460 quilos de plásticos, 200 quilos de equipos electrónicos, e 100 quilos de vidro. Por último, rexistráronse un total de 65 quilos de papel, e 2 quilos de elementos fluorescentes.
DESTINADO Á RECOLLIDA DE RESIDUOS PRODUCIDOS POR EMPRESAS E AUTÓNOMOS
O Centro Verde, que ocupa unha superficie de 3.687 metros cadrados no polígono industrial do Reboredo, comezou a prestar servizo a finais de novembro de 2013. As súas instalacións recepcionan residuos industriais, procedentes de empresas e autónomos, de luns a venres de 9,00 a 14,00 horas. Nas súas instalacións as empresas poden depositar tinta, tóners, disolventes, illantes, aceite mineral e vexetal, pilas, pilas botón, aerosois, baterías, lámpadas e fluoresecentes. O Centro Verde xestiona tamén residuos non perigosos como madeira, papel e cartón limpos, plásticos e embalaxes limpos, chatarra, vidros e parabrisas, caucho, coiro, electrodomésticos e voluminosos.•
Cargando ...
