•Este ano, ademais das categorías de mellores deportistas e clubes, inclúense as de adestradores e xuíces
• A concellería de Deportes do Concello de Monforte convoca a terceira edición do concurso para elixir os atletas e clubs máis destacados do ano anterior, coa novidade de dúas novas categorías, a de mellor adestrador e mellor árbitro ou xuíz. Polo tanto, as categorías que se establecen nesta edición son Mellor deportista, masculino e feminino, do 2014; Mellor deportista promesa, masculino e feminino, do 2014; Mellor adestrador ou adestradora do ano 2014; Mellor árbitro/a ou xuíz/a do ano 2014; Entidade Deportiva ou club máis distinguido en canto á promoción do deporte; e Premio á deportividade.
As solicitudes de inscrición deberán presentarse no Rexistro Xeral do Concello de Monforte antes do 23 de marzo ás 14,00 horas. Os vencedores de cada categoría daranse a coñecer na Gala do Deporte Monfortino, que se celebrará nunha data aínda por determinar. En cada unha das categorías haberá un único vencedor.
