• O xurado dos Premios do Deporte Galego 2014 deu a coñecer o 10 de marzo a relación de galardóns cos que a Xunta de Galicia recoñece aos que cada ano destacan de modo especial na súa contribución ao Deporte galego.
O Premio Galicia Saudable á entidade de carácter público destacada no fomento e na promoción da actividade física e dos hábitos de vida activa foi concedido ao GDR- Ribeira Sacra pola organización do Circuíto Ribeira Sacra de Carreiras Populares. O xurado sinalou como méritos o número de concellos nos que se celebra, xa que ten presencia en Monforte de Lemos, Pantón, Sober, O Saviñao, Bóveda, Ribas de Sil, Quiroga, e A Pobra do Brollón, ademais de contar cunha participación moi alta.
DINAMIZACIÓN
A xunta directiva do GDR-Ribeira Sacra botou a andar esta iniciatva en 2012, para dar forma a un proxecto que aunara esforzos e cooperación entre os 8 concellos do GDR, contribuíra á organización de actividades de ocio no medio rural, fomentara a actividade física e os hábitos de vida saudables, e promocionara o territorio da Ribeira Sacra. Nestes tres anos, un total de 5.294 corredores participaron na proba absoluta, dos que 76,46% son de fóra do territorio do GDR.•
Cargando ...
