Reivindicación e confraternidade no Día Internacional da Muller en Quiroga

Grupo de asistentes á II Cea de Confraternidade de Mulleres da Comarca de Quiroga.  (Foto cedida).
Grupo de asistentes á II Cea de Confraternidade de Mulleres da Comarca de Quiroga. (Foto cedida).

 

• O 8 de marzo conmemorouse o Día Internacional da Muller, coa celebración de diversos actos en todo o sur de Lugo. En Quiroga, a concellería de Educación, Benestar e Igualdade, a través do Centro de información á Muller (CIM), organizou unha axenda de actividades para lembrar o papel da muller no desenvolvemento da sociedade, e a importancia de garantir a igualdade de dereitos e oportunidades.

As tres concelleiras da Corporación Municipal de Quiroga:  Ana Núñez García, titular de Educación, Benestar e Igualdade; Mª Dolores Sánchez Durán, á fronte de Cultura; e Rosa Arza Rodríguez, responsable da Área de Xuventude.  (Foto cedida).
As tres concelleiras da Corporación Municipal de Quiroga: Ana Núñez García, titular de Educación, Benestar e Igualdade; Mª Dolores Sánchez Durán, á fronte de Cultura; e Rosa Arza Rodríguez, responsable da Área de Xuventude. (Foto cedida).

Así, o sábado 7 de marzo tivo lugar a II Cea de Confraternidade de Mulleres da Comarca de Quiroga, organizada polo CIM en colaboración coa Asociación de Mulleres San Martiño, á que asistiron máis de 30 mulleres. No acto, a concelleira de Igualdade, Ana Núñez, animou a todas as asistentes a continuar reivindicando os dereitos das mulleres. Ao remate, as mulleres que o desexaron fotografáronse no photocall deseñado para a ocasión, con mensaxes sobre igualdade.

O día 9, personal do CIM de Quiroga realizou obradoiros para o alumnado de Primaria do CEIP de Quiroga, para aproximar aos nenos e nenas ao concepto de igualdade a través de contacontos.•

 

Deixa unha resposta

Your email address will not be published.

Nova Anterior

A Asamblea Nacionalista de Sober impulsa unha candidatura de unidade popular para as municipais de maio

Seguinte Nova

Quiroga, localidade solidaria co Alzheimer

Últimas noticias sobre ASOCIACIONISMO

A %d blogueros les gusta esto: