Viticultores da Ribeira Sacra asistiron á xornada sobre o viñedo experimental financiado pola Deputación en Portomarín

Neste proxecto, investigadores da Universidade de Santiago de Compostela estudan métodos sanitarios e de cultivo de viñas, encamiñados a potenciar a economía baseada nos produtos autóctonos

Un momento da charla divulgativa sobre o proxecto experimental de microvinificacións que a Deputación financia no Monte do Cristo, en Portomarín. GPDL
Un momento da charla divulgativa sobre o proxecto experimental de microvinificacións que a Deputación financia no Monte do Cristo, en Portomarín. GPDL

• A Deputación de Lugo organizou a finais do mes pasado unha xornada divulgativa adicada aos profesionais da viticultura da Ribeira Sacra, en torno ao proxecto experimental que está a financiar o organismo provincial no viñedo de Monte do Cristo, en Portomarín.

A charla divulgativa estivo centrada nas colleitas de 2013 e 2014, obtidas nas microvinificacións deste cultivo experimental. Os expertos deron a coñecer aos asistentes aspectos como diferencias das dúas anualidades e limitacións á hora de elaborar o viño neste cultivo de investigación. Tamén se ofreceron comparativas de xestión e tentativas de futuro para o sector vitinícola. A xornada, que se desenvolveu no Restaurante Portomiño, integrou unha parte prática, con degustación e cata das variedades de viño establecidas na finca experimental no ano 2013 e 2014, en particular mencía, godello, alvariño e un indicador foráneo.

Os encargados desta charla gratuíta foron Julián Berrio, profesor da USC á fronte do equipo de investigación que traballa no viñedo; Roberto Regal, enólogo de RL Asesoría Vitinícola Chantada; e Óscar Rodríguez Pérez, colaborador xornalístico do suplemento Catando.

Este proxecto experimental, financiado pola Deputación, consiste no estudo de diferentes aspectos do cultivo de viñedos. O campo de traballo dos técnicos da Universidade é unha plantación de 2,7 hectáreas en alta densidade, na que, ademais da redución de custos enerxéticos, tamén estudian outros factores que inflúen na calidade e cantidade da produción e, polo tanto, na rendibilidade das viñas.•

Deixa unha resposta

Your email address will not be published.

Nova Anterior

Colorido e diversión de Entroido polas rúas do sur de Lugo

Seguinte Nova

Rematada a instalación do equipamento no Auditorio Municipal de Chantada

Últimas noticias sobre ASOCIACIONISMO

     
A %d blogueros les gusta esto: