• A mediados deste mes foron entregados en Monforte os diplomas correspondentes aos tres cursos inclúidos no programa de Accións Formativas para Desempregados, que organiza a Consellería de Traballo e Benestar.
No acto, a delegada territorial da Xunta en Lugo, Raquel Arias, explicou que estes cursos teñen como obxectivo mellorar ou reorientar a cualificación profesional dos participantes, para favorecer a súa reincorporación no mercado laboral. Con esta finalidade, están orientados aos sectores con máis capacidade de xerar emprego, e que ademais cumplen o fin de mellorar ou reorientar a ocupación profesional dos asistentes.
Un total de 41 persoas en situación de desemprego participaron nestes tres cursos. A horticultura e floricultura centrou un dos cursos, con 600 horas de duración, mentres que o curso de actividade de florería contou con 480 horas. Por último, o curso de carpintería e moble dispuxo de 300 horas.
Os tres cursos foron financiados pola Consellería de Traballo e Benestar cun total de 146.000 euros. •
