• O Museo Etnográfico de Quiroga acollerá, do 22 de abril ata o 29 de xuño, o IV Curso de Tecido Tradicional. Esta iniciativa, posta en marcha dende a Delegación de Cultura do Concello de Quiroga, terá unha duración de 40 horas lectivas. As sesións do curso impartiranse os luns e mércores de 18 horas a 20 horas.
TÉCNICAS TRADICIONAIS
Según explicaron dende o Concello de Quiroga, o IV Curso de Tecido Tradicional ten como obxectivo amosar ao alumnado participante todo o proceso de elaboración téxtil seguindo as técnicas tradicionais de fiado, urdido e tecido con la de ovella. As persoas interesadas en asistir ao IV Curso de Tecido Tradicional poderán inscribirse na Casa da Cultura de Quiroga ata o 20 de abril. Para máis información, poden chamar ao teléfono 982 435 125, ou enviar un e-mail ao enderezo electrónico culturaquiroga1@gmail.com.•
