Paradela conta cun novo folleto turístico sobre o mosteiro de San Facundo de Ribas de Miño

A edición deste material informativo polo Concello de Paradela contou coa colaboración da Área de Cultura e Turismo da Deputación

O delegado de Cultura e Turismo da Deputación de Lugo, Mario Outeiro, e o alcalde de Paradela, José Manuel Mato, durante a presentación en Lugo do novo cuatríptico informativo sobre o mosteiro de San Facundo de Ribas de Miño. GPVDL.
O delegado de Cultura e Turismo da Deputación de Lugo, Mario Outeiro, e o alcalde de Paradela, José Manuel Mato, durante a presentación en Lugo do novo cuatríptico informativo sobre o mosteiro de San Facundo de Ribas de Miño. GPVDL.

• O Concello de Paradela vén de editar un novo folleto informativo e promocional sobre o mosteiro de San Facundo de Ribas de Miño, e do que se emitiron un total de 2.000 copias. Para levar a cabo esta edición, o Concello contou coa colaboración da Área de Cultura e Turismo da Deputación de Lugo.

MONUMENTO NACIONAL DENDE 1982

Durante a presentación deste material promocional, que tivo lugar en Lugo o pasado día 17, o alcalde de Paradela, José Manuel Mato, e o responsable do organismo provincial, Mario Outeiro, suliñaron a importancia de divulgar este conxunto patrimonial, que foi declarado Monumento Nacional en 1982, ademais de poñer en valor distintos elementos do patrimonio arquitectónico e cultural da contorna.

MOSTEIRO E RUTA POLO MUNICIPIO CON LUGARES DE INTERESE

O folleto, configurado como un cuatríptico a todo color, ofrece fundamentalmente información sobre o Mosteiro de San Facundo de Ribas do Miño, amosando a súa evolución histórica e construtiva, así como un estudo documental que se fixo do mesmo e as pinturas murais que se poden contemplar no seu interior. Como complemento a estes datos, os folletos tamén inclúen a ruta turística que se pode facer polo municipio de Paradela, con especial mención a lugares de interese como a Ermida de Penarredonda ou os miradoiros de Cabodevila, de Cortes, e da Capela de Santa María de Loio.•

Deixa unha resposta

Your email address will not be published.

Nova Anterior

A Xunta destinou 146.000 euros a 3 cursos na Unidade de Acción Formativa de Monforte

Seguinte Nova

Cooperación entre administracións en beneficio dos pequenos concellos do rural

Últimas noticias sobre CULTURA

Concerto de vilonchelo

O violoncelista Carlos Vidal, galardoado en varios concursos internacionais, ofrecerá un concerto de violonchelo en Sober

A %d blogueros les gusta esto: