400.000 baixo pratos promocionarán os atractivos da provincia de Lugo

A Área de Turismo da Deputación e a APEHL impulsan esta campaña promocional Os baixa pratos conteñen información turística como rutas fluviais ou a Rede Museística

O presidente da Asociación Provincial de Empresarios de Hostalería de Lugo, Cheché Real, e o delegado de Cultura e Turismo da Deputación, Mario Outeiro, durante a presentación dos baixa pratos promocionais. GPVDL.

• A nosa provincia contará cun espazo de promoción turística nos 400.000 baixo pratos que se distribuirán polos locais de hostalería lucenses, e tamén en varios puntos de España. Esta iniciativa foi posta en marcha pola Área de Turismo da Deputación de Lugo e a Asociación Provincial de Empresarios de Hostalería de Lugo (APEHL), co obxectivo de achegar a nosa cultura e os lugares turísticos de referencia aos visitantes que se achegan á nosa provincia, a través destes baixo pratos con información turística.

Esta é unha iniciativa que se pon en marcha por noveno ano consecutivo «en vista da boa acollida tanto por parte dos hostaleiros, pola súa funcionalidade e servizo, coma polos turistas, que atopan nel a información básica para a súa viaxe e os seus días en Lugo», destacou o responsable de Turismo da Deputación, Mario Outeiro, durante a presentación desta nova campaña.

INFORMACIÓN TURÍSTICA SOBRE A PROVINCIA DE LUGO

Esta iniciativa promocional inclúe a edición de 400.000 exemplares e a súa distribución, ao longo destes meses, entre os establecementos de hostalería da provincia de Lugo. A información turística que ofrecen estes elementos abrangue as rutas fluviais de Os Robles e Belesar, no Miño, e a de Doade, no Sil, xestionadas pola Deputación. Tamén integra información sobre a Rede Museística Provincial Miño, e a de Doade, no Sil, así como os museos pertencentes á Rede Museística Provincial: o Museo de Lugo, Pazo de Tor, Museo do Mar de San Cibrao, e Museo Fortaleza de San Paio de Narla, ademais doutros puntos de interese cultural e turístico.

FÁCIL ACCESO Á INFORMACIÓN MÁIS ÚTIL PARA O VISITANTE

«Os baixo pratos proporcionan información básica moi útil para todos os turistas, de feito son moitos os que o levan para facer uso del e é moi común, tal e como se ten constatado en moitas ocasións, que o primeiro que fan os turistas antes de que os sirvan é apartar o prato para mirar no mapa onde están, cara onde van e que é o que van facer», suliñou Mario Outeiro.

Tamén, o presidente de APEHL, Cheché Real, agradeceu «o apoio continuo da Vicepresidencia Primeira da Deputación, a través da Área de Cultura e Turismo, pola difusión e o patrocinio dos diferentes actos de promoción que estamos a facer, xa que contribúen a mellorar os índices turísticos da provincia». Real explicou que os baixa pratos tamén serán distribuídos en establecementos de Madrid e Cataluña, «lugares dos que recibimos moitas visitas ao ano, e nos que estes actos promocionais están a dar os seus froitos».•

Deixa unha resposta

Your email address will not be published.

Nova Anterior

A Semana Santa completouse cunha boa cifra de visitantes no sur de Lugo

Seguinte Nova

Gran tirón de visitas de Semana Santa en Monforte

Últimas noticias sobre ASOCIACIONISMO

   
A %d blogueros les gusta esto: