FERNANDO PARADA VEIGA ENCABEZARÁ A LISTA DO PARTIDO POPULAR Á ALCALDÍA DE A POBRA DO BROLLÓN

O presidente do Partido Popular de Lugo, José Manuel Barreiro, anunciou a finais do mes pasado que Fernando Parada Veiga encabezará a lista ás vindeiras eleccións municipais en A Pobra do Brollón. Parada, funcionario de Correos que exerce esta labor no propio municipio, é natural da parroquia de Saa, e leva doce anos participando na política local, desempeñando a labor de edil. Actualmente exerce tamén de voceiro do Partido Popular na corporación local.

José Manuel Barreiro animou ao candidato do PP en Brollón «a traballar para gañar a alcaldía e situar a este Concello da zona sur da provincia de Lugo onde se merece».

Pola súa banda, Parada Veiga agradeceu ao partido a confianza depositada na súa persoa para este cometido, e dixo que se esforzará «para lograr o reto de gañar a alcaldía». Parada afirmou que traballará «dende a responsabilidade e honestidade e sempre atendendo as peticións e demandas dos veciños».

Deixa unha resposta

Your email address will not be published.

Nova Anterior

O GDR OS SETE CASTROS FARÁ UNHA GUÍA DAS EMPRESAS DA COMARCA DE SARRIA POR SECTORES

Seguinte Nova

Benestar retomará nesta lexislatura o proxecto do centro de maiores de Carballedo

Últimas noticias sobre ASOCIACIONISMO

 
A %d blogueros les gusta esto: