• Do 30 de marzo ao 5 de abril, a Oficina de Turismo atendeu case tantas persoas como en todo o mes de marzo
• A Oficina de Turismo de Monforte, situada nas dependencias do Centro do Viño da Ribeira Sacra, atendeu un total de 845 persoas na Semana Santa, o que supón un aumento de 359 consultantes respecto ao mesmo periodo do ano pasado. Según explicaron os responsables deste punto de información turística, do 30 de marzo ao 5 de abril atendéronse case tantas persoas como durante todo o mes de marzo.
IMPORTANTE NÚMERO DE VISITANTES NO PRIMEIRO TRIMESTRE, A PESAR DE SER TEMPORADA BAIXA
No primeiro trimestre deste ano, a pesares de ser temporada baixa por coincidir con peches de establecementos hosteleiros, pasaron pola Oficina de Turismo de Monforte 1.734 persoas, das cales 618 visitaron o Espazo Museístico. Por meses, en xaneiro foron atendidas 420, con 92 visitas museísticas, mentres que en febreiro pediron información 414 persoas, contabilizándose 138 visitas ao Museo do Viño. O número de persoas atendidas en marzo foi de 900, das que 388 realizaron unha visita ao Espazo Museístico.
Cómpre destacar que está a medrar o número de consultas teléfonicas ou por correo electrónico. A temática de interés céntrase nos catamaráns, o románico, rutas de sendeirismo, ou adegas visitables, e o Camiño de Inverno está a medrar como recurso turístico, como demostra o medio cento de peregrinos que selaron a súa credencial na Oficina de Turismo de Monforte no primeiro trimestre do ano.
AUXE DO TURISMO CULTURAL EN MONFORTE
En canto ao Museo do Viño, rexistrou un total de 104 visitas durante a Semana Santa. Neste sentido, dende a Oficina de Turismo de Monforte destacaron o auxe do turismo cultural nesta zona, e que superou as expectativas, xa que nos 15 días previos á Feira Medieval triplicáronse as consultas telefónicas sobre actividades relacionadas coa Feira Medieval, ou para información sobre aloxamento durante ditos días.
TIRÓN DA TENDA DO CENTRO DO VIÑO
Pola súa banda, o Centro do Viño segue a ser a principal referencia para coñecer a riqueza vitivinícola da Ribeira Sacra. Na súa tenda, vendéronse no primeiro trimestre do ano arredor de 1.700 botellas desta Denominación de Orixe, das que 500 realizáronse durante a Semana Santa.
PROCEDENCIA DOS VISITANTES NO PRIMEIRO TRIMESTRE DESTE ANO
Madrid segue a ser o principal centro emisor de visitantes á Ribeira Sacra, seguido de Asturias, Guipúzcua, Murcia, Barcelona, Salamanca, León, e Valladolid. Dentro de Galicia, A Coruña é o lugar de procedencia da maior parte dos que se achegan ata esta zona, seguidos dos visitantes procedentes de Pontevedra. Aínda que en menor medida que no verán, rexistráronse entre xaneiro e marzo visitantes estranxeiros, sobre todo de Fancia e Reino Unido pero de Italia, Alemania, Portugal, EEUU, Brasil e Arxentina. Como curiosidade, atendéronse visitantes procedentes de Australia, Finlandia e Islandia.•
