O presidente provincial do Partido Popular, José Manuel Barreiro, confirmou que José Manuel Mato, actual rexedor de Paradela, optará a reelección como alcalde deste municipio.
Barreiro destacou «a forte implicación e dedicación do candidato popular cos veciños de Paradela, que elección tras elección premian a súa labor con amplas maiorías absolutas». Barreiro agradeceu o «compromiso público» do actual rexedor e candidato popular, «algo que se reflicte a través do traballo que desempeña dende 1979 á fronte do Concello».
Pola súa banda, o actual alcalde de Paradela, que tamén é deputado provincial, afirmou que afronta esta nova lexislatura «con ganas», e insistiu en que seguirá traballando polas necesidades dos seus veciños e polos proxectos para o municipio.•
