•Destináronse ao acondicionamento de camiños e ao cambio dunha rede de saneamento
• A finais do mes pasado, a deputada de Economía, Recadación e Facenda, Pilar García Porto, supervisou o resultado das obras de acondicionamento e pavimentación do camiño rural en San Xulián, actuación solicitada polos comuneiros do monte veciñal de Caborrecelle, dotadas con 12.000 euros. García Porto anunciou que o organismo provincial tamén financiará outras 4 actuacións incluídas dentro do Plan de impulso ao medio rural. Estas obras, solicitadas polas asociacións de veciños e comuneiros, corresponden á mellora do firme de co camiño en Nespereira, cunha achega provincial de 12.000 euros; o acondicionamento da pista rural na parroquia de Soengas, con preto de 10.000 euros de investimento; o reafirmado e mellora do camiño dos Torros, en Viariño, con preto de 12.000 euros; e o cambio da tubaxe na rede de abastecemento e nas arquetas de rexistro de Vilaxuste, que conta cunha inversión de 10.000 euros.
García Porto lembrou tamén que no Concello estase a acometer a renovación dunha traída de auga na parroquia de Castrolazaro, a través do Plan de Obras e Servizos. «Con este tipo de actuacións, melloramos o día a día de ducias de veciños e freamos as desigualdades entre as cidades e o rural». •
