Nova Escola Galega celebrará en Chantada o XXIX Encontro Galego-Portugués de Educadores/as pola Paz

O Encontro será no IES Val do Asma do 24 ao 26 de abril «Convivencia e Benestar para o século XXI: Experiencias e Recursos» é o tema desta edición

O Encontro Galego-Portugués de Educadores/as pola Paz do ano pasado tivo lugar na localidade portuguesa de Chaves. (Foto cedida: Nova Escola Galega).
O Encontro Galego-Portugués de Educadores/as pola Paz do ano pasado tivo lugar na localidade portuguesa de Chaves. (Foto cedida: Nova Escola Galega).

• Os días 24, 25 e 26 de abril, Chantada será a sede do XXIX Encontro Galego-Portugués de Educadores/as pola Paz. As instalacións do IES Val do Asma acollerán esta edición, que servirá de evento introdutorio para a conmemoración dos trinta anos desta iniciativa promovida por Nova Escola Galega.

EXPERIENCIA PARTICIPATIVA

Este encontro formativo, que aglutina a profesorado de todos os niveis educativos, foi posto en marcha en 1986 por Suso Jares en Panxón, e caracterízase pola súa estrutura horizontal, na que todos os participantes poden ensinar e aprender ao mesmo tempo, nunha experiencia participativa única en Galicia.

Según explicaron dende a organización, este Encontro de Chantada versará sobre «Convivencia e Benestar para o século XXI: Experiencias e Recursos». Entre outras temáticas, o Encontro abordará a titoría entre iguais, planos de convivencia escolar, o fomento de redes locais de resposta social de base, a colaboración intersectorial, o sociodrama, as práticas restaurativas, a música, a danza e a creación artística e literaria. Non faltarán os eixos dos Encontros desde a súa orixe, como os xogos e dinámicas cooperativas, a asemblea final, a foto anual da paz, e a largada da pomba. Ademais, o programa está aberto ás aportacións dos participantes.•

Deixa unha resposta

Your email address will not be published.

Nova Anterior

A Xunta investirá este ano preto de 111.000 euros en obras de mellora nos centros educativos da zona sur

Seguinte Nova

Seráns Culturais en Monforte, Sarria, Pantón e A Pobra do Brollón

Últimas noticias sobre ASOCIACIONISMO

A %d blogueros les gusta esto: