O presidente do PP e candidato á alcaldía de Chantada, Javier Medela, anunciou que Manuel Javier Goyanes Cereijo será o número 2 da lista popular para as eleccións do 24 de maio. Goyanes Cereijo naceu na parroquia chantadina de Pedrafita, é enxeñeiro técnico agrícola e actualmente traballa no Fondo Galego de Garantía Agraria. É a primeira vez que este mozo de 38 anos figura nunha candidatura, malia que a súa toma de contacto co Partido Popular data do ano 1996, ano en que se afiliou. Goyanes Cereijo dixo afrontar esta nova tarefa «con optimismo, ganas, forzas e ilusión para situar á cabeza da comarca no lugar que merece». Insiste en que «Chantada conta con moitos potenciais para darlle un maior empuxe».
Pola súa banda o alcaldable popular, Javier Medela, non disimulou a súa «satisfacción por poder contar con persoas tan válidas e traballadoras coma Goyanes Cereijo». «O principal reto está en recuperar para o Partido Popular á alcaldía de Chantada, onde os populares foron a forza política máis votada nos últimos procesos electorais», destacou Medela.•
Cargando ...
