O Grupo de Desenvolvemento Rexional (GDR) Os Sete Castros vai impulsar a elaboración dunha guía na que figuren todas as empresas da comarca de Sarria agrupadas por sectores de actividade. O obxectivo da guía é a promoción dos municipios de Láncara, O Incio, O Páramo, Paradela, Samos, Sarria e Triacastela, que integran esta comarca.
Con esta publicación, poderase coñecer o espectro de actividades socioeconómicas e os servizos que se ofrecen na comarca sarriana para favorecer a súa difusión, tanto no entorno inmediato como fóra das súas fronteiras, e servir de referencia a posibles inversores.
Este proxecto enmárcase dentro dunha das liñas de actuación do GDR, que se refire á Promoción do Territorio. Dende este Grupo de Desenvolvemento Rexional xa se impulsaron outras iniciativas desta índole, como un vídeo promocional da comarca, as xornadas sobre montes veciñais de man común, unha guía turística, a instalación de diversos paneis QR, a xestión de diversas axudas, ou a celebración da Feira da Sala e produtos da comarca, entre outras.•
