• O 10 de abril celebrouse en Vilagarcía de Arousa a entrega dos Premios do Deporte Galego 2014, que recoñeceron ao GDR Ribeira Sacra na modalidade de institución pública promotora de hábitos saudables, polo Circuíto Leader de Carreiras Populares. No acto estiveron presentes o xerente do GDR, Martín Alemparte, e os alcaldes dos concellos de Bóveda, Pantón, Quiroga e Sober, así como o tenente de alcalde de O Saviñao. O Circuíto Leader Ribeira Sacra de Carreiras Populares integra un total de oito probas, distribuídas polos oito concellos que constitúen este Grupo de Desenvolvemento Rexional. (Foto cedida).
A XI Carreira Popular Feira do Viño de Quiroga abriu o Circuíto Leader Ribeira Sacra
•Participaron máis de 450 corredores, entre categorías menores e adultos •O triunfo foi para Juan Antonio Gude, e na categoría feminina gañou Sonia Vázquez Rodríguez
